Anarın həbs olunması ilə bağlı yayılan xəbərlər yalan çıxdı.
Bir neçə ay öncə ailə quran Röyanın həyat yoldaşı Cəlilov Anar
Çingiz oğlunun narkotik maddələrdən istifadəyə görə hüquq-mühafizə
orqanları tərəfindən saxlanılması barədə yerli mətbuat orqanlarında
məlumatlar yayılıb.
lent.az-ın məsələ ilə bağlı apardığı araşdırma nəticəsində
yazılanların qeyri-dəqiq olduğu ortaya çıxıb. Bəlli olub ki, Anar
noyabrın 1-də Bakıda Əl Oyunları Sarayında keçirilən konsertdə Röyanı
gətirib və maşında onu gözləyib. Konsertdən sonra isə Anar həyat
yoldaşı Röyanı «Madonna» şadlıq evinə toya aparıb. Anarın idarə etdiyi
avtomobilin markası «Mercedes CL 450», dövlət nömrə nişanı isə 10 BU
011-dir. Əldə etdiyimiz məlumata görə, Röya və Anarı sözügedən şadlıq
sarayının qarşısında görənlər olub. Müğənninin yaxın ətrafının
lent.az-a verdiyi məlumata görə isə bu xəbərdən özləri də şoka
düşüblər. Çünki Anar hər gün rəhbərlik etdiyi «ANR Group»da işdə olur.
Noyabrın 2-də isə gecə saat 1 radələrində Anarla Röyanın birgə evə
gəldiklərini təsdiqləyənlər var. Müğənninin meneceri Kənan Bayramov
Anar Cəlilovun hüquq-mühafizə orqanları tərəfindən saxlanması ilə bağlı
yazılanların əsassız olduğunu vurğulayıb.
|