Natəvan Həbibiyə edilən təklif onun əsəblərini pozub.
Başı qeylü-qaldan açılmayan müğənni Natəvan Həbibi yorulub. Onu
bezdirən müğənnilərin bir-birinə qarşı aqressiv münasibət göstərməsidir.
O deyir ki, hətta bəzi həmkarlarının əsəbləri gərilib: «Bu
vəziyyətə gəlməyimizə çalışdığımız mühit səbəb olub. Yəni hər gün
müxtəlif insanlar tanıyırıq, müxtəlif iş təklifləri olur. Bunların
arasında dəyər verdiklərimiz də olur, səhhətimizə təsir edəcək qədər
dəyərsizləri də... İnsanların hamısı eyni niyyətli ola bilməz. Bəzən
elə birisi ilə qarşılaşırsan ki, insan bunun üzərindən səthi keçə
bilmir. Əsəbiləşmək isə müğənninin birinci düşmənidir. Səs telləri
yatır və əvvəlki vəziyyəti bərpa etmək üçün bir neçə gün sakit həyat
tərzi sürmək tələb olunur». Bu gedişlə müğənni 50 yaşında səhnədən
gedəcək: «Yaşlaşandan sonra müğənnilik sənəti ilə sağollaşıb, sakit bir
işin qulpundan yapışacağam. 50 yaşında özümü səhnədə görmürəm».
|