Milli musiqilərin və bəstəkar mahnılarının ifaçısı olan Elnur şəxsi həyatı barədə danışdı. Uşaq yaşlarından müğənniliklə məşğul olan sənətçi vaxt darlığından şəxsi işlərini yoluna qoya bilmədiyindən şikayət etdi:

 «Mən də evlənmək, ailə-uşaq sahibi olmaq istəyirəm. Hətta evlənmək üçün gözaltım da var. Amma onunla olan münasibətlərimi rəsmiləşdirməyə vaxt tapa bilmirəm».
Bəzi həmkarlarından fərqli olaraq Elnur ailə məsələsinə yaradıcılıq planı çərçivəsində yanaşmır. Bu cür reklama ehtiyac görmədiyini vurğulayan müğənni insanların gözündə ucuzlaşmaq niyyətinin olmadığını bildirdi: «Reklam üçün bir çox səbəblər axtarıb tapmaq olar. Mənim niyyətim ciddidir. Bir gün evlənib bununla maqazin verilişlərinin, ictimaiyyətin diqqətini özümə çəkmək istəmirəm. Çalışdığım qədər evlilik məsələsini bir o qədər qabartmayacağam».