2007-ci ildə İtaliya çempionatının ən zəif oyunçusu seçilən “İnter” klubunun futbolçusu Adriano 10 min avroya mobil telefon alıb.
tereqqi-az-in “Goal.com”a istinadən məlumatına görə, hücumçu telefon almağa gedərkən “düşməni” - sabiq baş məşqçisi Roberto Mançini ilə qarşılaşıb.
Lakin braziliyalı oyunçu ilə italyan məşqçi görüşmədən və bir-birilərinə əhəmiyyət vermədən yollarına davam ediblər. Onların arasında problem 2007-ci ilin dekabrında yaranıb. Həmin vaxt psixoloji sıxıntılar və alkoqola meyllilikdən əziyyət çəkən Adriano R.Mançininin qərarı ilə Braziliya “San-Paulu”suna icarəyə verilib. Futbolçu yeni komandasının heyətində Braziliya çempionatının ən yaxşı bombardiri olub. O, “İnter”ə qaytarılsa da, nizam-intizam sarıdan çatışmazlıqlarını aradan qaldıra bilməyib. Yeni baş məşqçi Joze Mourinyo Adrianonu oktyabrın 28-də məşqdən qovub. Səbəb futbolçunun məşqlərə gecikməsi olub. Bundan sonra “sambaçı” əsas heyətdən kənarda qalıb.